Post by Samuel ReusserHoi zäme
kennt irgend jemand den Text zu einem Sketch oder Lied mit dem Namen
"niemer u nüt". So in dem Sinne "dr Niemer het zum Nüt gseit ..." usw.
Danke für Eure Antworten.
Vielleicht sowas? Meine allerdings schon eine andere Version gehört zu
haben.
Gruss DuduuDadaa
"Niemer u Nüt, oder wie Nüt u Niemer e wichtigi Rolle spile?
E Gschicht zum lache und nachedänke
Es isch emal es Fräulein gsi, das het Nüt gheisse.
Jm ganze Dorf hetme Nüt kennt,aber kei Mönsch het sech mit Nüt
underhalte.
Das het e junge Ma, wo Niemer gheisse het verno.
Niemer isch ledig gsi u häti scho lang gärn e Frou gah. Drum het
Niemer Nüt welle ga bsueche.
Niemer isch mitemene schöne Bluemestruss em Hus zue gloffe, wo Nüt
gwohnt het.
Niemer het klopfet u Nüt het ufgmacht, u Niemer isch ine gange. Niemer
het d'Blueme ufe Tisch gleit, u Nüt het e grossi Freud gha. Nüt het
Niemer i Stube ine gno u so het Niemer Nüt, u Nüt Niemer glehrt kenne.
Nüt het heimlech dänkt, das Niemer e rächte Ma wär, u richtig; Niemer
het Nüt e Hüratsatrag gmacht, u Nüt isch über glücklech gsi.
Wie nes Louffür isch es dürs Dorf gange, dass Niemer Nüt welli hürate.
Der Hochzitstag isch agrückt u Niemer het Nüt a Troualtar gfüert. Der
Herr Pfarrer het Niemer mit Nüt zäme ta, u het Niemer ufgmunteret,
dass er jeder Situation für Nüt söll istah.
U Nüt söll versueche Niemer i alne Teile zlfriede stelle.
Niemer isch Nüt teu bliebe.
All Tag isch Niemer siner Arbeit nache gange, u Nüt het d'Hushaltig
bsorget.
Was Nüt kochet het, het Niemer gässe. Gäng we Niemer heicho isch, isch
Nüt ume gsi !
Jede Abe het Niemer für Nüt es Bettmümpfeli bracht. Niemer het de no
'Zitig gläse, u Nüt isch ga schlafe. We Niemer isch i ds'Schlafzimmer
cho, isch Nüt im Bett gsi, u het für Niemer agwärmt.
U wies eso geit, Nüt het es Chind übercho u Niemer isch der Vater gsi.
Nüt u Niemer si für all Lüt es Vorbild gsi.
Ds ganze Dorf het Niemer gachtet, u Nüt gschezt.
Mit de Jahre si beidi älter worde.
Niemer het agfange chränkele u isch plötzlech gstorbe. Es het e grossi
Beärdigung gäh.
Niemer isch im Sarg gläge, u Nüt isch hinger dri gloffe.
Der Herr Pfarrer het gseit, es sigi trurig das nume no Nüt da sig,
aber bestimmt sig jetzt Niemmer im Himmel.
D'Grosschind hei no lang für Nüt gsorget.
Us dere Gschicht chame gseh, dass Niemer us Nüt e angere Mönsch gmacht
het.
U mängs alts Fräulein wär hüt villicht weniger wunderlig, wenn o zu
ihre, früecher einisch Niemer cho wär.
So freu ig mi über niemer und nüt, was doch nid für nüt isch, oder
.......... "